Roedd ein digwyddiad cymdeithasol ar 22 Gorffennaf yn cynnwys Cefyn Burgess, artist dylunio a thecstilau o fri rhyngwladol, sydd wedi cynnal arddangosfeydd llwyddiannus yn y DU a thramor, ochr yn ochr â nifer o gomisiynau. 

Mae ei waith yn dechrau gyda ffotograffau a brasluniau o'r pwnc a ddymunir, ac yn dilyn hynny caiff tecstilau eu dylunio, sy'n adlewyrchu nodweddion ffisegol y pwnc, ac yna'u gwehyddu. Ar y ffabrig, mae portread manwl o'r pwnc wedyn yn cael ei wnïo i greu darlun gweadog. Darluniwyd cyflwyniad Cefyn gan nifer o sleidiau a oedd yn dangos ffynonellau o'i ysbrydoliaeth, yn enwedig cau ei gapel ei hun a gwaith cenhadol Gweinidogion Cymru yn ardal Khasi yn India ac ym Mhatagonia. Arweiniodd hyn iddo gwblhau gweithiau yn y ddwy wlad sy'n dangos sut mae diwylliant a thraddodiad Cymru wedi dylanwadu ac wedi cael eu hamsugno a'u cynnal yn lleol. 

Arddangoswyd sleidiau o ddarnau prydferth, atgofus o waith ynghyd ag esboniadau clir (gyda neillebau doniol!) yn y Gymraeg, a darparwyd cyfieithu ar y pryd Saesneg gan Marion Rees. Lleolir gweithdy Cefyn yng Nghanolfan Grefft Rhuthun lle mae darnau o'i waith hefyd yn cael eu harddangos ac mae'n werth i unrhyw un nad oedd yn gallu mynychu ein digwyddiad fynd i’w gweld.

Ar ôl cyflwyniad Cefyn, roedd lluniaeth ar gael a manteisiodd pobl ar y cyfle i gymysgu a rhwydweithio.

Bydd ein noson gymdeithasol RAN nesaf ddydd Mercher, 17.9.25 yn yr Hen Lys, Rhuthun am 7pm. Ein siaradwr fydd Jude Traharne sy'n wneuthurwr ffilmiau dogfen annibynnol. Teitl cyflwyniad Jude yw: 'Sut gall realiti rhithwir helpu i adeiladu byd mwy tosturiol'. Mae'n addo bod yn noson ddiddorol ac ysbrydoledig a allai alluogi pobl greadigol i ystyried sut y gall hyn gael ei adlewyrchu yn eu gwaith eu hunain. 

Lledaenwch y neges os gwelwch yn dda ac edrychwn ymlaen at eich gweld ar 17 Medi!

Hoffai Rhwydwaith Celfyddydau Rhuthun ddiolch i Dr Rajan Madhok, ein siaradwr gwadd diweddaraf, am sgwrs ddiddorol a chyffrous ar 8 Mai yn yr Hen Lys yn Rhuthun. Daeth llawer o bobl ynghyd i wrando ar hanes taith Rajan, fel meddyg ifanc, o India i'r DU. 

Ar ôl cael ei hyfforddi yn ninas Delhi, a chyrraedd y DU yn 1980, bu Rajan yn gweithio fel meddyg iechyd cyhoeddus. Ar hyd y blynyddoedd, llwyddodd i ddringo’r ysgol a dal swyddi rheoli meddygol uwch yn y GIG.

Rhannodd Rajan rai o’i gerddi yn sôn am ddigwyddiadau yn ei fywyd. Mae'r gerdd hon yn mynegi ei deimladau am adael India a dod yn fewnfudwr:

The immigrant 

Leaving on that jet plane
for the distant shores
dream come true
going to Britain
new start, new life
excited and daunted
Will I make it
Will it be worthwhile
Will I miss folk back home
Will they miss me
Fast forward four decades
neither Indian nor British
pulled by both
resentful of both
India of youth gone
Britain has changed too
Or is it me
unable to adapt
rootless and restless
the first-generation immigrant

Aeth ei waith yn y GIG â Rajan i wahanol rannau o’r DU, gan ddechrau ar Ynysoedd Shetland. Dechreuodd ddysgu Cymraeg ar ôl ymddeol i Sir Ddinbych yn 2018, a chyfarfod â’i bartner, Helen. 

Yn Rhuthun, aeth Rajan ymlaen i sefydlu Cyfnewidfa Ddiwylliannol Rhuthun India (RICE), sydd wedi cynnal llawer o ddigwyddiadau cymdeithasol dros y blynyddoedd, yn dathlu Diwali a Dydd Gŵyl Dewi. I Rajan, mae’r sefydliad hwn yn “fwyd (reis) i’r enaid”. Mae RICE yn dod â phobl o wahanol ddiwylliannau ynghyd ac yn hyrwyddo traddodiadau cyfoethog Cymru ac India: https://ruthinindiaculturalexchange.com/ 

Roedd hi’n braf clywed, ar ôl blynyddoedd lawer o deimlo nad oedd yn perthyn i'r DU, fod Rajan bellach yn teimlo'n gartrefol yng ngogledd Cymru, fel y mynega yn y gerdd hon:

Fy adre

Home, I am darling
That’s how I feel in Wales
A place where I belong
Like a king, befitting my name*

Not out of choice, but was destined
Stuff happened so could discover
What it means to be alive and loved
Darling, I am home 

(*Mae Rajan yn golygu brenin yn Hindi)

Os hoffech chi ddysgu mwy am daith Rajan, dilynwch y ddolen hon i'w draethawd, ‘My Wales – Coming Home’: https://ruthinindiaculturalexchange.com/wp-content/uploads/2023/12/my-wales-an-essay-by-rajan-madhok-2023.docx-5.pdf

Yn dilyn y sgwrs boblogaidd gan Rajan, daeth pawb ynghyd mewn grwpiau i drafod y celfyddydau yn Rhuthun a beth gallwn ni ei wneud i wella creadigrwydd a chydweithio yn y dref. 

Mae Rhwydwaith Celfyddydau Rhuthun yn gobeithio cynnal noson gymdeithasol arall yn fuan. Mwy yn y man!

Mae dyfodiad y Gwanwyn gyda blodau a choed yn dod i mewn i ddeilen yn atgof hyfryd o gylch creadigrwydd natur ei hun. Ochr yn ochr â hyn mae Rhwydwaith Celfyddydau Rhuthun wedi gwahodd pawb creadigol i gyflwyno enghraifft o’u gwaith gyda’r thema, ‘Newid yn Rhuthun.’ Sut bynnag yr hoffech ddehongli’r teitl hwn fe’ch gwahoddir i gyflwyno darn o’ch gwaith ym mha bynnag arddull neu genre a ddewiswch, boed hynny: arlunio, peintio, ffotograffiaeth, barddoniaeth, celf perfformio, cerflunwaith, tecstilau, cerddoriaeth, dawns, ac ati. Anfonwch eich cyfraniadau at admin@ruthinartsnetwork.wales. Bydd unrhyw beth y byddwch yn ei gyfrannu yn cael ei weld ar y wefan yn unig ac nid yn cael ei rannu yn unman arall ond bydd eich creadigaeth yn ffordd i roi syniadau i eraill a thanio sbarc creadigol lleol!

Ar Ddydd Iau 8fed o Fai, cynhelir ein digwyddiad cymdeithasol nesaf yn yr Hen Lys pan fydd ein siaradwr yn Dr Rajan Madhok. Daeth i’r DU, yn feddyg ifanc o India yn 1980, ac ar ôl gweithio ym mhob man, gan ddechrau yn Ynysoedd Shetland, ymddeolodd i Gymru (arbed y gorau tan yr olaf!). Wedi byw i weithio o’r blaen (sic) roedd yn awyddus i wneud iawn amdano ac ymgolli yn y pethau sydd gan Gymru i’w cynnig gan gynnwys dysgu Cymraeg. Bydd yn rhannu trosolwg o’r daith hon wedi’i ddarlunio gan enghreifftiau o’i ysgrifau a pheth barddoniaeth (mae’n awyddus i bwysleisio nad yw’n fardd – er ei fod yn ceisio bod yn un). Mae noson hynod ddiddorol ac ysbrydoledig ar y gweill.  

Edrychwn ymlaen at eich gweld ar 8.5.25 am 7pm yn yr Hen Lys!

Am noson wych gafodd Rhwydwaith Celfyddydau Rhuthun ar 12 Chwefror! Soniodd Dr Dan Muckle-Jones am ei angerdd am ffotograffiaeth a’i ymwneud â Chlwb Camera Rhuthun. Cafodd y gynulleidfa wledd o luniau trawiadol a dynnwyd gan Dan ac aelodau’r Clwb Camera, ac mi gafwyd cyfle i ofyn cwestiynau i Dan am ei daith artistig.

Dywedodd Dan: “Mae gen i ddiddordeb mewn ffotograffiaeth ers fy arddegau, ond mae wedi dod yn fwy o angerdd ers i mi ymddeol o fy ngyrfa mewn meddygaeth. Byddwn yn dal i ddisgrifio fy hun fel amatur brwdfrydig. Dwi wedi cynhyrchu gwaith ar draws genres amrywiol, ond mae fy mhrif ddiddordeb mewn ffotograffiaeth ddogfennol a ffotograffiaeth stryd. Mae gan ffotograffau’r pŵer i hysbysu, difyrru, herio a pherswadio.”

“Yn y bôn, ymdrech ddynol yw ffotograffiaeth,” ychwanegodd Dan. “Mae gennym ni i gyd safbwynt, ac mae llun yn dweud rhywbeth am y ffordd mae ei gynhyrchydd yn gweld y byd. Mae ffotograffiaeth yn fy nysgu i edrych. Dwi’n ceisio cynhyrchu lluniau sydd â synnwyr cryf o naratif neu emosiwn. Dwi’n chwilio am ryngweithio rhwng pynciau, a dwi bob amser yn chwilio am amwysedd gweledol.”

Mae Dan hefyd yn cael ei ddenu at dynnu lluniau o’r cyffredin, ac mae wedi’i gyfareddu gan y ffordd y gall tynnu lluniau o rywbeth cyffredin godi ei arwyddocâd canfyddedig.  

Ffurfiwyd Clwb Camera Rhuthun yn 1986, ac mae’n rhan o rwydwaith o glybiau camera ledled y DU a’r byd. Ymunodd Dan â’r clwb yn 2017 er mwyn cyfarfod â ffotograffwyr eraill a datblygu ei grefft.  

Eglurodd: “Dwi wedi bod yn ysgrifennydd y clwb ers 2022, ac wedi bod yn rhan o’r gwaith o ailgodi’r clwb ar ôl COVID-19. Mae’n bleser adrodd bod y clwb bellach yn tyfu – mae gennym 30 o aelodau yn amrywio o rai 12 i 90 oed, ac mae bron i hanner yn fenywod. Rydyn ni’n ddiolchgar ein bod wedi derbyn grant gan Hamdden Sir Ddinbych Cyf. eleni, sydd wedi ein galluogi i brynu offer taflunio newydd a gwella safon ein cyflwyniadau yn fawr. Rydyn ni'n hoffi edrych ar luniau, gwneud lluniau, a siarad am luniau. Mae ein rhaglen yn cynnwys amrywiaeth o weithdai, darlithoedd, cystadlaethau a heriau ffotograffig amrywiol. Rydyn ni hefyd wedi bod yn cynnal arddangosfa flynyddol yn Rhuthun am y ddwy flynedd ddiwethaf. Rydyn ni’n croesawu aelodau newydd; ewch i’n gwefan, sef www.ruthincameraclub.com, am ragor o wybodaeth.”

Ar ôl sgwrs hynod ddiddorol gan Dan, bu pawb yn sgwrsio am eu teithiau creadigol eu hunain ac yn rhwydweithio. Roedd artistiaid, ffotograffwyr, perfformwyr, gwneuthurwyr cabinet, turnwyr coed, ysgrifenwyr, cantorion a cherddorion yn bresennol, a chytunwyd ar un peth gan bawb: mae celf, yn ei holl ffurfiau, yn gwneud y byd yn lle mwy diddorol a myfyriol, ac yn arwain at gydweithio gwerth chweil.

Ddydd Mawrth, 12 Tachwedd, trefnodd Rhwydwaith Celfyddydau Rhuthun (RAN) noson o ysbrydoliaeth a chydweithio ar gyfer artistiaid a phobl greadigol lleol.

Rhoddodd Bethan M. Hughes, artist tecstilau, ac Artist Preswyl yng Nghanolfan Grefft Rhuthun, sgwrs ddiddorol am ei thaith fel artist a'r prosiectau gwych y bu'n rhan ohonynt. Yn gyn-lyfrgellydd, newidiodd Bethan Hughes yrfa i fod yn artist llawn amser yn gweithio trwy gyfrwng pwythau, edau a thecstilau.

Dywedodd Bethan: "Roeddwn yn falch iawn o gael fy ngwahodd i siarad yn y cyfarfod ac i rannu fy ymarfer a’m prosiectau diweddar gydag aelodau'r rhwydwaith. Beth bynnag eich maes creadigrwydd, mae bob amser yn ysbrydoledig clywed gan artistiaid eraill am eu cyfrwng eu hunain, eu ffynonellau ysbrydoliaeth a sut maen nhw'n defnyddio eu sgiliau creadigol. Rhannais fy mhrofiad fel yr Artist Preswyl presennol yng Nghanolfan Grefft Rhuthun, ac am fy nghwiltiau a ddefnyddiaf fel llais i archwilio democratiaeth, hunaniaeth ac ymgyrchu. Siaradais hefyd am ddau brosiect creadigol cymunedol a gyflwynais eleni wedi'u hysbrydoli gan Ddeiseb Heddwch Menywod Cymru 1923/4. Roedd yn wych cael trafodaeth mewn ymateb i gwestiynau gan y gynulleidfa, ac yna rhwydweithio dros wydraid o win! Diolch i'r rhwydwaith am y cyfle."

Yn ddiweddar, derbyniodd Bethan gomisiwn gan noddwyr Siop y Siswrn i greu'r gwobrau ar gyfer Gŵyl Aled, gŵyl Gerdd Dant, a gynhaliwyd yn Yr Wyddgrug. Gallwch ddarllen mwy am waith cyffrous Bethan yma: https://bethanmhughes.wordpress.com/

Hoffai RAN ddiolch i Bethan am ei sgwrs graff yn y Gymraeg, a Marion Rees am ei chyfieithu ar y pryd ardderchog yn ystod y noson. (Mae'r llun o Bethan wedi ei dynnu gan y ffotograffydd, Dewi Tannatt Lloyd.)

Yn dilyn y sgwrs, ymgasglodd y mynychwyr mewn grwpiau bach i drafod eu teithiau artistig eu hunain ac i ddod i adnabod ei gilydd yn well. Roedd yn wych clywed am y gwaith o gerflunio, ysgrifennu, cerddoriaeth, ffilm, gwneud dodrefn, celf, dawns a thecstilau sy'n digwydd yn lleol, a dywedodd y cyfranogwyr yr hoffent gael mwy o nosweithiau fel hyn lle gallent drafod syniadau gyda’i gilydd a chynllunio cydweithrediadau ar gyfer y dyfodol.

Adam Young yw Rheolwr Digwyddiadau Neuadd Farchnad Rhuthun, ac mae ei ymarfer artistig ei hun yn ymwneud â Chelf Fyw, Ymarfer Cymdeithasol a Gosodiadau. Mwynhaodd Adam y noson a gynhaliwyd gan RAN yn fawr, a dywedodd: "Roedd clywed Bethan yn siarad am ei hymarfer, ei meddwl a'i methodoleg yn hynod ysbrydoledig i mi gan fy mod i fy hun wedi cymryd seibiant o fy ngwaith artistig fy hun yn ystod y blynyddoedd diwethaf. Mae gallu ymgynnull yn y cnawd gyda phobl greadigol eraill, yn enwedig fel rhywun cymharol newydd i'r dref, yn amhrisiadwy i wneud cysylltiadau a darganfod beth mae pobl eraill yn gweithio arno. Gallaf weld y potensial sydd gan RAN i ddod yn rhan hanfodol o ysgogi cydweithio newydd rhwng aelodau a sefydliadau fel ei gilydd."

Gobaith Rhwydwaith Celfyddydau Rhuthun yw cynllunio digwyddiad tebyg yn gynnar y flwyddyn nesaf. Gallwch ddarganfod mwy am RAN yma: https://ruthinartsnetwork.wales/

Mae’n wych cael rhywbeth i edrych ymlaen ato dros fisoedd y gaeaf. Yn ffodus i chi, mae gan Ruthun lawer o ddigwyddiadau diddorol ar y gweill, a dyma rai ohonyn nhw:

Dydd Sadwrn, 26 Hydref tan ddydd Sadwrn, 2 Tachwedd: 10.30 – 4pm yng  Ngharchar Rhuthun :

'Llwybr Braw Calan Gaeaf', felly gwisgwch eich gwisg Calan Gaeaf gorau a dewch draw.

Dydd Sul, 3 Tachwedd: 2.30pm – 5pm yn Nant Clwyd Y Dre:

Dathliad o Diwali wedi’i drefnu gan Gyfnewidfa Ddiwylliannol Rhuthun-India.

Dydd Sadwrn, 30 Tachwedd: 10am – 4pm mewn 7 lleoliad gwahanol o amgylch y dref:

Strafagansa’r Nadolig Rhuthun gyda thua 200 o stondinau.

Dydd Sadwrn, 30 Tachwedd: 7:30pm ym Marchnad Da Byw Rhuthun

Cyngerdd elusennol Côr NantClwyd gyda Band Pres Llareggub a Tewtewtennau.

Dydd Mawrth, 3 Rhagfyr: 11am – 2pm yn Nant Clwyd Y Dre:

Gweithdy plu eira gwydr asiedig

Penwythnosau 7/8 a 14/15 Rhagfyr yn Nant Clwyd Y Dre:

Dathliad 'Nadolig trwy'r oesau'.

Dydd Mercher 4 Rhagfyr – amser i'w gadarnhau ym Marchnad Da Byw Rhuthun:

Cyngerdd Meibion Marchan ar gyfer elusen RABI.

Digwyddiadau Rheolaidd

Bob dydd Mawrth: 7:30pm – 9:30pm: Capel y Tabernacl, Stryd y Ffynnon:

 Clwb Camera Rhuthun  – Siaradwyr a chystadlaethau, gan annog diddordeb mewn ffotograffiaeth

Bob dydd Iau: 7pm – 10.30pm yn y Feathers Inn, Stryd y Ffynnon:

Clwb Cerddoriaeth Werin ac Acwstig Rhuthun AllStyles

Dydd Gwener olaf o'r mis yng Nghastell Rhuthun:

Noson o gerddoriaeth meic agored

Dydd Sadwrn olaf y mis (ac eithrio Rhagfyr): 10am – 12pm yn Llyfrgell Rhuthun:

Cyfarfod Ysgrifenwyr Rhuthun

Os ydych chi'n cynnal digwyddiad, rhowch wybod i ni a byddwn yn helpu i roi cyhoeddusrwydd i'ch digwyddiad ar ein tudalen Facebook a'n gwefan.

Lansiwyd Rhwydwaith Celfyddydau Rhuthun (RAN) ym mis Chwefror eleni. Gyda chymorth Haydn Peers o Snowdon Digital, mae criw o wirfoddolwyr wedi creu gwefan ddwyieithog ar gyfer artistiaid a chrefftwyr yr ardal. Maen nhw wrth eu bodd bod llawer o bobl greadigol eisoes wedi ymuno â’r wefan – mae cantorion, cerddorion, awduron, artistiaid, cerflunwyr, dawnswyr a gwneuthurwyr dodrefn i gyd wedi dod ymlaen. Mae croeso i unrhyw un sy’n greadigol gofrestru ar y wefan yn rhad ac am ddim: ruthinartsnetwork.wales.

Mae'r wefan wedi'i chreu oherwydd gall fod yn anodd darganfod beth sy'n digwydd yn y dref a'r cyffiniau. Weithiau, rydyn ni eisiau gwybod pwy sy'n gwneud beth, ble a phryd, ac rydyn ni eisiau gwybod sut gallwn ni gymryd rhan. Mae'r wefan hefyd yn ffordd dda o hyrwyddo digwyddiadau a chyngherddau, a lleoliadau sydd ar gael i'w defnyddio.

Fel yr eglurodd Mike Van Der Eijk, Trysorydd RAN, “Ein nod yw darparu rhestriad o bobl greadigol yn Rhuthun, ac o gwmpas y dref, er mwyn creu cyfleoedd ar gyfer cydweithio a rhannu. Mae gennym hefyd ddolenni (links) i lwyfannau cyfryngau cymdeithasol i gynorthwyo cyfathrebu. Rydyn ni eisiau hybu ymdeimlad o gymuned trwy gymryd rhan mewn gweithgareddau diwylliannol.”

Dros yr ychydig fisoedd diwethaf, mae RAN wedi cynnal nosweithiau cymdeithasol lle mae pobl greadigol wedi dod at ei gilydd i rwydweithio wrth fwynhau noson o gerddoriaeth, canu neu farddoniaeth.

Y gobaith yw, wrth i'r rhwydwaith ddatblygu, y bydd mwy o bobl yn cymryd rhan, gan arddangos doniau artistig niferus yr ardal a chreu mwy o gyfleoedd i gydweithio.

Dydd Iau 17 Hydref o 7.00 – 8.45pm yn yr Hen Lys, Sgwâr San Pedr.  LL15 1AA.

Mae Rhwydwaith Celfyddydau Rhuthun yn eich croesawu i’w pedwerydd digwyddiad rhad ac am ddim a fydd gobeithio, gyda’ch mewnbwn, y mwyaf diddorol a chyffrous eto.  Rydym wedi paratoi noson o siaradwyr ysbrydoledig (Rajan Madhok from Ruthin Indian Cultural Exchange- RICE), rhannu syniadau, rhwydweithio a gwybodaeth ar sut i gysylltu â Gŵyl Rhuthun, Gŵyl Gelfyddydau Ryngwladol Rhuthun a lleoliadau yn Rhuthun a’r cyffiniau.  Mae’n gyfle i gwrdd ag unigolion o’r un anian, trafod y celfyddydau, meddwl am gydweithio a bod yn rhan o gymuned egnïol, gynhwysol a gofalgar.  Dywedodd Brian Solis, “Mae cymuned yn llawer mwy na pherthyn i rywbeth; mae'n ymwneud â gwneud rhywbeth sy'n gwneud perthyn yn bwysig.”

Rhwydwaith celfyddydau ar-lein, agored, dwyieithog, rhad ac am ddim yw RAN, sy'n darparu fforwm i bobl greadigol (boed yn broffesiynol, yn lled-broffesiynol neu'n amatur) yn ardal Rhuthun i ddarparu mwy o gyfleoedd i gydweithio a rhannu.  Fe’i sefydlwyd i ddechrau gan bum unigolyn creadigol (cyfarwyddwr theatr, dramodydd, cerddor, awdur a dylunydd gwe) sydd eisiau rhoi rhywbeth yn ôl i’r gymuned greadigol sydd wedi bod yn ffynhonnell gyson o ysbrydoliaeth a chefnogaeth yn eu bywydau.  Ers hynny, mae eraill wedi ymuno gyda’r nod o gyfleu syniadau artistig, gan ddod â chydlyniad, cyfle cyfartal a bywiogrwydd i Ruthun a’r cyffiniau.

Felly, p’un a ydych chi’n fardd, yn wneuthurwr basgedi, yn grochenydd, yn gerddor, yn artist, neu’n unrhyw un sy’n ymwneud â’r celfyddydau, dewch draw i greu bwrlwm o greadigrwydd yn Rhuthun.

Cynhaliwyd noson gymdeithasol ddiweddaraf Rhwydwaith Celfyddydau Rhuthun (RAN) yn Y Plu
ddydd Mercher 17 Gorffennaf.

Uchafbwynt y noson oedd gwrando ar y gantores a'r gitarydd Penni Neale, a berfformiodd
amrywiaeth o ganeuon gan gynnwys un o’i chaneuon gwreiddiol ei hun. Prif ddylanwadau Penni yw
cerddoriaeth werin, canu gwlad a jazz, a cheir hi yn canu yn Y Plu ar nos Iau yn y Clwb Gwerin
rheolaidd yno. Roedd pawb wedi mwynhau ei pherfformiad yn fawr.

Roedd y noson hefyd yn gyfle i bobl greadigol sgwrsio a rhwydweithio. Fel y dywedodd Mark
Ratcliffe, crefftwr arobryn sy'n gwneud dodrefn pwrpasol: “Mae hwn yn gyfle gwych i bobl o
wahanol ddisgyblaethau siarad â'i gilydd. Pan ddaw pobl o duedd artistig at ei gilydd, gallant ysgogi
ac ysbrydoli ei gilydd mewn gwahanol ffyrdd.” Er enghraifft, gallai un sgwrs ysgogi llinell newydd o
feddwl a chreadigrwydd, gyda chanlyniadau gwych. (Os hoffech wybod mwy am waith Mark, dyma
ei wefan: https://www.markratcliffe.co.uk/)

Yn ystod y noson gymdeithasol, gofynnodd aelodau'r pwyllgor i'r rhai a oedd yn bresennol beth
hoffent ei weld gan RAN yn y dyfodol. Roedd rhai o'r atebion yn cynnwys cael cyfle i ddarganfod
mwy am ddisgyblaethau ei gilydd, cael darlleniadau yn ystod y digwyddiadau cymdeithasol i ysgogi
trafodaeth a dadl, a cheisio hyrwyddo rhyw fath o gydweithio ar-lein mwy o faint i ledaenu'r neges
am yr hyn y mae RAN yn ei wneud.

Mae RAN yn gobeithio cael cyfarfod cyhoeddus ym mis Medi i gasglu rhagor o safbwyntiau ac i
amlinellu datblygiadau'r Rhwydwaith hyd yn hyn.

Os ydych chi'n berson creadigol o unrhyw fath, gallwch gofrestru ar wefan RAN yma:
https://ruthinartsnetwork.wales/ Byddwch wedyn yn gallu darllen y blogiau diweddaraf, cael
gwybod am ddigwyddiadau lleol, a derbyn gwahoddiadau i ddigwyddiadau cymdeithasol.

Dydd Sadwrn 3 a Dydd Sul 4 Awst 2024

Roedd Penwythnos Lles y llynedd yn Llanelidan yn llwyddiant mawr ac felly mae ‘Cyfeillion Sant
Elidan’ (y grŵp cymunedol sy’n cynnal y fynwent ac yn trefnu digwyddiadau yn Eglwys Pererinion
Sant Elidan) eisiau adeiladu ar y llwyddiant hwn a gwneud Penwythnos Lles 2024 hyd yn oed yn well.
Bydd rhagor o fanylion ar gael ar-lein yn nes at yr amser (neu gallwch gysylltu â Pat ar 01824 750288
i gael gwybod mwy), ond dyma’r hyn sydd ar y gweill eleni:

DYDD SADWRN 3 AWST

Bydd y penwythnos yn dechrau gyda Gweddi Foreol Geltaidd, dan arweiniad y Parchedig Diana
Greenfield. Bydd digwyddiadau dydd Sadwrn yn cynnwys sesiynau 'Corganu ar gyfer Iachau',
'Celfyddyd Ymlacio' a Myfyrio Baddon Sain. Bydd gweithgareddau Celf ystyriol yn cael eu cynnal yn
ystod y prynhawn ochr yn ochr â sesiynau blasu therapi galw heibio yn yr eglwys, gan gynnwys
Aciwbwysau, iachâd ymarferol, Adweitheg a thylino pen Indiaidd. Bydd cyfle hefyd i ddal i fyny gyda
ffrindiau a chymdogion dros de prynhawn.

DYDD SUL 4 AWST

Bydd dydd Sul yn cynnwys cyflwyniad i Tai Chi, Gweithdy Ysgrifennu Barddoniaeth, taith gerdded
hamddenol a gweddigar o amgylch pentref Llanelidan a gwasanaeth Taizé yn yr eglwys i gloi’r
penwythnos.
Dywedodd Pat Sumner, Ysgrifennydd ‘Cyfeillion Sant Elidan’: “Mae’r blynyddoedd diwethaf wedi bod
mor galed i gynifer o bobl. Rydyn ni wedi dioddef pandemig ac argyfwng costau byw, sydd wir wedi
gwneud niwed mawr. Mae llawer o bobl yn teimlo dan straen, yn isel ac yn flinedig, felly roeddem
am gynnig penwythnos lle gall pobl brysur dreulio ychydig o amser i ganolbwyntio ar eu lles, iachau
ac ymlacio eu hunain.”
Bydd rhagor o fanylion yn dilyn ar dudalen Facebook ‘Eglwys Pererinion Sant Elidan’ ac yma:
https://dyffrynclwyd.co.uk/worship/events/wellbeing/

Local Artist, Daniel Nyman updates us on some exciting things! Read below for more:

As a family of artists, we have recently moved to Wales and are starting an art collective workshop/business focusing on 3D pumpkin carving Halloween events.

Pumpkins are a wonderful material to carve in and make unique, spooky sculptures that are a magical sight to see in a shop window, on a ghostly trail around your favourite castle or at any other venue that celebrates Halloween and all things gothic.

Pumpkins last for up to a week left to the elements. However, if you are looking for something with a little more longevity, then a spookily preserved pumkin or sweet potato specimen is for you. Stored in a perspex container and incubated in a vinegar/water solution for their own safety, these critters will last for months or maybe even a year, so you can enjoy them for longer.

Walk around the grounds to see them all or have them displayed in different corners of your hotel/venue as curios.

If you want a more hands-on experience, you can learn how to carve them. Come and join us for fun and informative courses in a relaxed and beautiful setting.

What we do:

• Pumpkin carving courses for children and adults.
• Pumpkin trails.
• Preserved 3D carved pumpkins and sweet potatoes.
• Advertising pumpkins (your logo/business here)

Wood carving and mixed media events to come.

Watch this space. 

On 15^th May 2024 Ruthin Arts Network organised a social event for creative people in the Ruthin area.   The main aim of the event, which was held at The Feathers pub in Ruthin, was to strengthen the artistic community in the town.  

The inspirational evening, was attended by musicians, writers, basket weavers, dancers, actors, directors, playwrights, song writers and more.   Music by the folk-rock band The Amazing Clouds started the evening off followed by poetry readings from Patrica Sumner (local author and poet), Diana Sanders (local musician and poet) and Tim Baker (playwright and theatre director).  Tim also treated the audience to a reading of the first part of Under Milk Wood in Welsh.   The rest of the evening was given over to networking, socialising, and discussing the various artforms represented by local people.

With recent arts funding cuts the need to create a strong creative community is important.  Most of us have had our lives enriched by the arts and the benefits of arts in the community are many.  Abba summed it up simply in their lyrics ‘without a song or a dance what are we?’ But if we look at the benefits in more depth, we realise that the arts have numerous benefits to us as individuals and to our society.  They are a medium for communicating ideas and self-expression.  They provide therapeutic benefits such as occupational therapy and music in hospitals.  They can chronicle history, comment on political events and preserve cultural heritage and crafts. They bring cohesion to our villages and towns in the form of theatre groups, book, art, craft making clubs etc. 

In short, the arts have the power to inspire us, open our minds and bring a sense of well-being and belonging.

Ydych chi'n siarad Cymraeg? Ydych chi'n ysgrifennu yn Gymraeg? Manteisiwch ar y cyfle i gael eich gwaith ysgrifennu mewn Cymraeg pob dydd wedi'i gynnwys yng Ngŵyl Gelfyddydol Ryngwladol Rhuthun, lle bydd yn adleisio a chysylltu â theimladau siaradwyr Cymraeg eraill o bob rhan o'r byd. Ysgrifennwch atom erbyn 20 Mai 2024 drwy anfon e-bost i RuthinArtsFestival@outlook.com

Cyhoeddwyd ar ran Gŵyl Gelfyddydau Ryngwladol Rhuthun

Rydym yn gwahodd siaradwyr Cymraeg o bob rhan o'r byd i gyfrannu at arddangosfa arbennig yng Ngŵyl Gelfyddydol Ryngwladol Rhuthun, a gynhelir o 28 Mehefin tan 4 Gorffennaf yn Rhuthun, Gogledd Cymru, y DU. O dan y thema "Yn Rhywle Arall", rydym yn anelu i ddenu hanfod Cymreictod o bedwar cwr y byd yn ôl i Ruthun, gan ddathlu'r iaith ar ei hamryfal ffurfiau ac yn y defnyddiau niferus ohoni. 

Mae’r alwad hon yn agored i bawb, o le bynnag y dônt, i rannu'r hyn y maen nhw'n ei ysgrifennu mewn Cymraeg pob dydd. Boed y rheiny'n ddarnau proffesiynol, yn fyfyrdodau personol, neu'n ysgrifau achlysurol - os ydynt yn berthnasol i'r thema "Yn Rhywle Arall" rydym eisiau eu harddangos. Mae gennym ddiddordeb arbennig mewn deunydd sy'n cyfleu profiadau bob dydd siaradwyr Cymraeg sy'n byw "yn rhywle arall" a'r modd y maen nhw'n cysylltu â'u hunaniaeth Gymreig.

Bydd gwaith yn cael ei gyflwyno ar ffurf printiau ac yn rhan o wrthrychau arddangosfa, gan eu cynnwys mewn gofod o eitemau wedi'u curadu sy'n myfyrio ar y thema o safbwynt Cymreig. 

Canllawiau cyflwyno:

Byddwn yn croesawu pob math o waith ysgrifennu yn Gymraeg - barddoniaeth, straeon byrion, llythyrau, cofnodion mewn dyddiadur, neu unrhyw ddarn sy'n sôn am eich profiad o dan y thema "Yn Rhywle Arall."
Anfonwch eich gwaith erbyn 20 Mai 2024 i RuthinArtsFestival@outlook.com

Wel, rydyn ni ar waith! Cymerwch olwg ar hon, ein gwefan newydd Rhwydwaith Celfyddydau Rhuthun a byddwch yn gweld yn syth ei fod yn cynnwys amrywiaeth o weithgareddau creadigol wedi'u gosod a'u harchwilio gan grŵp gynyddol o bobl greadigol sydd eisiau cadw mewn cysylltiad â'i gilydd.

Daeth y syniad am wefan bron yn achlysurol, trwy sgwrs am y diffyg “gofod” (naill ai rhithwir neu real) yn ein hardal lle gall artistiaid gymysgu a chysylltu. Ffurfiwyd pwyllgor bychan a chyn dim oedden ni wedi  darganfod bod gan Gyngor Celfyddydau Cymru gronfa sydd wedi'i hanelu'n benodol at rwydweithio a chysylltiadau rhwng artistiaid. Cyn hir roedd gennym grant a digon o arian i gomisiynu gwefan gan Haydn Peers yn Snowdon Digidol, gyda swm bach yn weddill ar gyfer digwyddiadau.

Ym mis Rhagfyr y llynedd lansiwyd Rhwydwaith Celfyddydau Rhuthun yn yr Hen Lys yn Rhuthun, gyda rhywfaint o gerddoriaeth fyw ac yna mewnbwn gan aelodau'r pwyllgor i gynulleidfa fach ond gwerthfawrogol. Cafodd y prosiect dderbyniad positif ac aeth y sgyrsiau ymlaen yn gadarnhaol wedyn.

Ar wahân i waith gweinyddol a chadw tŷ sylfaenol, yn syml iawn, y wefan yw'r hyn y mae ei haelodau am iddi fod. Nid ydym yn rhagnodol mewn unrhyw ffordd o gwbl. Ein gobaith yw y bydd artistiaid, yn hanner broffesiynol, yn amatur ac yn broffesiynol, yn cyfarfod trwy'r wefan ac yn cael gwell ymdeimlad o gymuned artistig yn Rhuthun a'r cyffiniau. Byddai cydweithrediadau newydd a chynigion i gydweithio yn cael eu croesawu wrth gwrs, ond yn bennaf rydym yn gweld y Rhwydwaith fel cyfrwng ar gyfer sgyrsiau, rhwng artistiaid ac artistiaid a’r cymunedau y maent yn byw ynddynt.

Fodd bynnag, mae gennym hefyd syniadau ar gyfer y dyfodol, gan gynnwys bod yn bresennol mewn digwyddiadau artistig yn Rhuthun a'r cyffiniau, a chynnal ein digwyddiadau cymdeithasol ein hunain. Os oes gennych ddiddordeb, dewch draw i’n un nesaf, yn Nhafarn y Plu yn Rhuthun ar ddydd Mercher, 15fed Mai. Bydd cerddoriaeth fyw a chyfle i gwrdd a sgwrsio gyda phobl o’r un meddylfryd. Welwn ni chi yna….?

Cefndir y Prosiect

Mae Llys Awelon yn Rhuthun, Sir Ddinbych yn gynllun tai gofal ychwanegol a sefydlwyd yn 2011 gan Grŵp Cynefin, mewn partneriaeth â Chyngor Sir Ddinbych. Mae’r cynllun yn darparu gwasanaethau cartref, cymorth a gofal i bobl dros 60 oed.

Mae Llys Awelon yn cael ei ailddatblygu’n llwyr i greu cynllun modern, carbon-isel, pwrpasol i ddiwallu anghenion pobl hŷn yn ardal Sir Ddinbych. Bydd 35 o fflatiau ychwanegol yn cael eu hychwanegu at y 21 presennol.

Fel rhan o gymal gwerth cymdeithasol sy’n ymgorffori buddion cymunedol, mae Grŵp Cynefin a Read Construction, datblygwyr y prosiect, yn ariannu prosiect celf cymunedol.

Briff Artist

Rydym yn chwilio am artist o unrhyw ddisgyblaeth i greu darn o waith ar gyfer yr adeilad newydd, rhwng Mehefin a Thachwedd 2024, sy’n cyrraedd y meini prawf canlynol:

• Rhaid i’r artist fod yn lleol (ardal gogledd Cymru) neu fod â chysylltiad cryf â Rhuthun
• Rhaid i’r artist allu siarad Cymraeg i ddarparu sesiynau ymgysylltu dwyieithog
• Y themâu a awgrymir ar gyfer darn celf yw cartref a chymuned, treftadaeth neu natur
• Pontio’r cenedlaethau – gan gynnwys o leiaf pum sesiwn gyda thrigolion Llys Awelon a disgyblion o Ysgol Pen Barras
• Bydd pob math o gelf yn cael ei ystyried ond mae angen iddo fod yn addas i’w arddangos y tu mewn neu du allan yr adeilad terfynol
• Anogir elfen amgylcheddol a chynaliadwy

Rydym hefyd yn croesawu ceisiadau ar y cyd gan fwy nag un artist.

Cyllideb y prosiect yw £6000 gan gynnwys TAW i gynnwys costau artist, sesiynau ymgysylltu, deunyddiau, costau teithio a’r darn terfynol gan gynnwys ei osod.

Briff Artist - Prosiect Celf Llys Awelon