Yn anffodus, rydyn ni wedi penderfynu dod â Rhwydwaith Celfyddydau Rhuthun (RAN) i ben. Er ei bod yn amser ffarwelio, cymerwn gysur o wybod bod llawer o gysylltiadau wedi cael eu gwneud o ganlyniad uniongyrchol i RAN. Mae artistiaid, crefftwyr a phobl greadigol wedi rhwydweithio, ar ôl cwrdd â'i gilydd yn un o'n digwyddiadau cymdeithasol neu drwy ein gwefan. Mae cynulleidfaoedd wedi cael eu swyno gan y gwesteion sydd wedi siarad neu berfformio i RAN dros y ddwy flynedd ddiwethaf – artistiaid tecstilau, ffotograffwyr, beirdd, gwneuthurwyr ffilmiau a cherddorion. Hoffai Mike, Tim a Pat (grŵp llywio RAN) ddiolch o waelod calon i chi i gyd am eich cyfraniadau brwdfrydig ac ysbrydoledig.

Yn anffodus, dyw RAN erioed wedi gallu denu digon o wirfoddolwyr i wneud iddo weithio'n dda. Am amrywiaeth o resymau, dyw RAN ddim wedi bod mor llwyddiannus ag y bydden ni wedi'i hoffi.

Bydd y dudalen Facebook, 'Grŵp Rhwydwaith Celfyddydau Rhuthun', yn parhau, felly mae croeso i chi rannu digwyddiadau lleol ar y dudalen hon. Fodd bynnag, fyddwn ni ddim yn defnyddio gwefan RAN mwyach.

Y newyddion da yw ein bod ni’n gobeithio “gadael â bang” (yn amodol ar gyllid gan Gyngor Celfyddydau Cymru). Rydyn ni am gynnal digwyddiad olaf ym mis Chwefror 2026 – noson o gerdd a chân. Mwy yn y man unwaith y bydd y manylion yn barod.

Rydyn ni am ddiolch i bawb sydd wedi ein cefnogi dros y ddwy flynedd ddiwethaf, ac i Haydn Peers am greu ein gwefan.  

Rydyn ni wedi cwrdd â llawer o bobl ddiddorol a thalentog drwy RAN. Gobeithiwn eich bod wedi mwynhau ein digwyddiadau cymaint ag y gwnaethon ni, a'n dymuniad diffuant yw y bydd y cysylltiadau rydych chi wedi'u gwneud yn parhau ymhell i'r dyfodol.

Dymuniadau gorau iawn i chi i gyd,
Mike, Tim a Pat